Cincoxcinco= Xuan Carlos Crespos

Xuan Carlos Crespos Lanchas (Xixón, 1970) tien publicao hasta la fecha mesmo en castellano que n’asturianu. Asina, ente otros premios, tien ganao los de relatos Érase una vez (2004), Certame de Llaviana (2004, 2005, 2006, 2007 y 2009), Cangas de Narcea (2005, 2009 y 2011), Fundación Derechos Civiles (2005 y 2006), Casa d´Asturies en Valencia (2009), Oficialidá (2009); amás del Nené Losada Rico de poesía (2004). Tien colaborao en revistes como Lliteratura, Lletres asturianes, Lletres Lliteraries, Lunula, Clarín, Ágora, Reciella Malory o El Espinete. Autor d’obres como Poemes raros (de sangre seco) (Trabe, 2005); Lías aprendiz de contador d’histories (Cuentu infantil ilustráu, 2008); Abismos, Adicciones y Papeles Azules (Espublizastur, 2009); y La Maldición del Cristu Azul y Yacente (Espublizastur, 2011), agora suma a la so bibliografía la que ye la so primer novela en castellanu: El Pozo de los Caídos Tristes (United Publishing editorial, 2013).

1. Propón un menú lliterariu: entrada, platu principal y postre.

Entrada: Abril quebrado, de Ismail Kadaré. Platu principal: Nunca me abandones, d’Ishiguro y postre: La Maravillosa vida breve de Óscar Mao, de Junot Díaz.

2. ¿Cuálu foi l’ últimu llibru que sacasti en préstamu d’una biblioteca?

Antón y les fueyes, pal mio fíu Olái, na biblioteca municipal de Xixón-Sur.

3. ¿Qué escena lliteraria te vien nesti momentu a la cabeza?

La del guah.e qu’acaba de sentir que morriera so pá, y que diba quedar ensin familia nesti mundu, al final del llibru: La carretera, de Cormac McCarthy.

4. ¿Tienes namoraote de dalgún personaxe lliterariu?

Sí, de siempre, el personaxe de Teresa na novela de Kundera: La insoportable levedad del ser.

5. Indica una triada de poetes.

Vicente Aleixandre, Ángel González y Alejandra Pizarnik.

6. ¿Cuála foi la Biblioteca la to vida?

La d’hores que pasé lleendo y estudiando na biblioteca del mio institutu, el Calderón de la Barca, en Xixón.

7. ¿Con qué llibru despertaríes l’amor a la llectura nun adolescente?

Aranmanoth, d’Ana María Matute. Fábula o cuentu máxicu de dos nenos que quieren tornar al so llugar d’orixe. Too ente les miseries, aventures y esperiencies iniciátiques na Edá Media.

8. Cita trés novelistes pa siguir por cualquier llector.

Phil Roth, García Márquez, Mafouz, Saramago, Pamuk, Oé, Richard Ford…Y tantos y tantos.

9. Propón una midida a favor de la difusión de la llectura.

Cese inmediatu de tolos políticos que nun piensen más que la cultura ye dalgo “pa perder perres” y a cambiu poner xente que piense qu’un pueblu cultu y con interés por saber ye meyor y más llibre.

10. ¿Quiénes son los tos compositores o músicos favoritos?

Bach, Shubert, Tom Waits, Nick Cave, Leonard Cohen, Miles Davis,…

11. ¿Hai dalguna llectura que te marcare especialmente na vida?

Un branu siendo yo adolescente que lleí de siguío Demián y El lobo estepario, d’Herman Hesse.

12. ¿A qué autor rescataríes del olvidu?

Al premiu Nobel xaponés Yasunari Kawabata, ún de los autores con más sensibilidá que lleí enxamás.

13. De xuru que podríes recomendanos la visión de, polo menos, trés películes.

Encadenados, d´Alfred Hitckhcock., Sed de mal, d´Orson Welles, El apartamento, Irma la Dulce o Perdición de Billy Wilder, El Sur, d´Erice…

14. ¿Qué poema interpreta los tos sentimientos?

Fuga en lila, d’Alejandra Pizarnik: “Había qu’escribir ensin pa qué, ensin pa quién. El cuerpu alcuérdase d’un amor como prender la llámpara. El silenciu ye tentación y promesa”.

15. ¿Cuáles son los tos nomes -de persona- favoritos?

Olái y Egon.

16. ¿A qué sitiu salíu de la imaxinación d’un autor te gustaría treslladate?

Prestaríame tar un bona temporada nel mar Mediterráneu nos tiempos de La Illiada y La Odisea.

17. Los artistes más admiraos son…

Picasso, Giacometti, Matisse, Schielle, Kokoscka, Kirchner, Chagall, Vlaminck, Derain, Lucien Freud, Pollock,…

18. L’últimu llibru que comprasti foi…

Dos: El lago, d’E. L. Doctorow y Canadá, de Richard Ford.

19. ¿Puede l’e-book reemplazar al formatu clásicu?

Espero que non. Espero que’l llibru como oxetu, como papel tenga gran pervivencia, que pase como col discu de vinilu, que pase un tiempu de crisis para tornar con más valor del que tenía.

20. ¿Podríes dicinos cómo ordenes la to biblioteca personal?

Intento ordenala en primer llugar teniendo en cuenta la llingua. Nun llugar les obres n’asturianu y les escrites en castellán al otru. A continuación intento tener en cuenta l’apellíu de los autores.

21. ¿Ónde te prestaría vivir?

La mitá del añu en Xixón cerca los míos, y la otra mitá en Nueva Zelanda lloñe de too.

22. ¿A qué persona viva almires?

A Nelson Mandela.

23. Pal to entender ¿cuála ye la meyor obra lliteraria adaptada pal cine?

Apocalypse now, de Coppola, adaptando El corazón de las tinieblas de Josef Conrad; El Padrino, tamién de Coppola, adaptando la novela de Mario Puzzo, La naranja mecánica de Kubrick, adaptando la novela de Anthony Burguess, o Blade Runner, de Ridley Scott, adaptando la novela de Philip K. Dick, “¿Suañen los androides con oveyes llétriques?”.

24. ¿Qué tas lleendo actualmente?

La última novela de Richard Ford: Canadá.

25. ¿Pa qué sirve la llectura?

Pa viaxar, pa camudanos n’otres persones, pa querer, pa tarrecer, pa llorar, rir, vivir otres vides…

El pozo de los caídos tristes

Xuan Carlos Crespos Lanchas

Editorial United P.C.

364 págs.

///

Sabed, putos mortales que rezar nunca ha servido de nada y yo soy la viva imagen de lo que digo. No ha servido de nada. Ahora repetid: “El segundo ángel tocó la trompeta, y como una gran montaña ardiendo en fuego fue precipitada en el mar; y la tercera parte de ese mar se convirtió en sangre”.

(27 de payares de 2013)