Roberto González-Quevedo presenta ‘Los crímenes de Pumarín’

El miércoles 12 de xunu a les 20:00 hores na llibrería La Buena Letra de Xixón Roberto González-Quevedo presenta el so llibru Los crímenes de Pumarín.

Una novela que tresllada a los barrios de Pumarín de Xixón y Uviéu una hestoria d’asesinatos a maestros qu’asusten a los vecinos de les dos ciudaes.

Roberto González-Quevedo (Palacios del Sil, León, 1953) ye llicenciáu en filosofía y doctor n’antropoloxía y en filoloxía. Fíu de la escritora Eva González, a mancomuña escribieron una serie llibros, Poesías ya hestorias na nuesa tsingua; Poesías ya cuentus na nuesa tsingua (1980), Bitsarón: Cousas pa nenus ya pa grandes na nuesa tsingua (1981), Xentiquina (1983), Xeitus: poesías ya cuentus (1985) y Branas d’antanu ya xente d’anguanu: poesías ya cuentus (1990). Na so obra narrativa destaquen: Pol sendeiru la nueite (2002) Premiu de Narraciones Curties de la Diputación d’Asturies (antecesor del Xosefa Xovellanos), El Sil que baxaba de la nieve (2007), Onde viven los amigos (2010), Sangre na braña, (2011) y Hestoria de la lliteratura primera en Pesicia (2014). En la so actividá poética tien espublizaes estes obres: Inis Aión (1986); L.lume de l.luz (2002); Pan d’amore (2004) y La nieve de Pesicia (2017). Ye autor de numberosos artículos y trabayos sobre lliteratura, antropoloxía y etnografía. Ye miembru de númberu de l’Academia de la Llingua Asturiana.