Los xardinos de la lluna

Los xardinos de la lluna

Francisco Álvarez

Trabe

208 paxs.

///

XL Premiu de Novela «Xosefa Xovellanos»

Los xardinos de la lluna ye una novela sobre l’engañu y la traición, sobre la complexidá de les relaciones humanes y sobre les milenta cares de la verdá con formes, maneres y esencia de novela negra na que l’autor ye a axuntar lo llírico colo social. Ambientada na Italia d’anguaño y remembrando les más negres y tristes alcordances de les Brigaes Coloraes al través de les Brigaes Coloraes Refundaes, Daniele, fíu d’italianu y asturiana de Xixón, vese somorguiáu nun rabión de circunstancies que-y faen cambiar la vida y la so forma de sentila y de vivila.

Francisco Álvarez González (Xixón, 1970) ye periodista, escritor y traductor lliterariu d’italianu. Autor d’una docena de títulos n’asturianu y en castellanu, ganó nel 2015 el Premiu «Xosefa Xovellanos» cola so primer novela, Lluvia d’agostu, sobre la vida y la muerte del anarquista Buenaventura Durruti, traducida yá al castellanu y al alemán y pola que foi a ganar el Premiu de la Crítica d’Asturies del 2017. Amás d’esta obra tien publicaos los volúmenes de cuentos En poques pallabres (1998) y Pasaxeres de la nueche (2019).