Réquiem

Réquiem

Elías Veiga

Impronta

76 páxs.

///

Con una propuesta temática y estética inédita dientro de la poesía asturiana, Elías Veiga constrúi una parábola emocionante alrodiu la figura del llobu, ser llexendariu qu’habita l’alma de la clandestinidá. Un poemariu conceptual con un ritmu y un tonu que nun fai concesiones, «un tiru a bocaxarru na cara la conciencia», en pallabres del propiu autor. A la fin, un poemariu sobre la condición y la naturaleza humanes. Réquiem ye un trabayu de madurez d’un de los poetes imprescindibles y con mayor personalidá de les lletres asturianes d’anguaño.

Elías Veiga (Presnes, Ayande, 1972), escritor fondamente comprometíu cola so tierra (el suroccidente d’Asturies), ye autor de los llibros La tierra fonda (2004), Robinson astur (2008), Testamentu (2014) y La casa (2016). Veiga ganó dos ediciones el Premiu Teodoro Cuesta de Poesía y l’Asociación d’Escritores d’Asturies concedió-y el Premiu de la Crítica y de les Lletres en 2008 y 2017 na so categoría de Poesía n’Asturianu.