La Biblioteca de Xixón “Xovellanos” acueye la entrega de los Premios Lliterarios en Llingua Asturiana 2012

El salón d’actos de la Biblioteca de Xixón “Xovellanos” (C/Xovellanos,23) acueyerá’l próximu miércoles, 30 de xineru, a les 19,30 hores, la gala d’entrega de los Premios Lliterarios 2012 en Llingua Asturiana, que convoca cada añu la Conseyería d’Educación, Cultura y Deporte del Pdo. d’Asturies.

L’actu va contar cola presencia y l’intervención de los galardonaos nes distintes categorías, xunto con la directora xeneral de Política Llingüística, Ana María Fueyo y la propia conseyera, Ana González Rodríguez:

• Premiu «Xosefa Xovellanos» de novela (XXXIII edición): Quique Faes, pola novela La vida increíble;

• Premiu «Xuan M.ª Acebal» de poesía (XVIII edición): José Ángel Gayol, pol poemariu El llibru de les coses misterioses;

• Premiu «Máximo Fuertes Acevedo» d’ensayu (XVIII edición): Xulio Arbesú, pol ensayu Los deseos del dineru;

• Premiu «María Josefa Canellada» de lliteratura infantil y xuvenil (V edición): Milio Rodríguez Cueto, pola novela Carne de melandru;

• Premiu «Alfonso Iglesias» de cómic (IV edición): Javier Antonio Marinas, pola obra Homes.

(23 de enero de 2012)