Selmana de les Lletres Asturianes na Rede de Biblioteques de Llanera

La Rede Municipal de Biblioteques de Llanera súmase a los actos de la XXXIV Selmana de les Lletres Asturianes qu’organiza’l Principáu d’ Asturies, dedicaos a poner en valor la figura y la obra de Nené Losada, una de les poetes más destacaes del panorama lliterariu asturianu de les últimes décades, con un interesante programa d’actividaes que quier rendir un pequeñu homenaxe a la so obra, con una importante collaboración de los centros escolares del conceyu.

Nené Losada (1921-2009). De formación autodidacta, amuésase como una temprana escritora de rellatos y poemes en castellán. Tiempu más tarde, entamará a facelo n’asturianu, emplegando formes poétiques mui averaes a les de la poesía oral popular. La so obra tien como modelu al Padre Galo, al que conoció de neña. Escribe en dialeutu occidental, coincidiendo asina tamién y representando una tendencia asemeyada a la de la poeta Eva González de Palacios del Sil; destacando como bona recopiladora de la lliteratura oral y mui capacitada amás pa componer con estos materiales tradicionales una obra de gran fondura llírica con una guapa eufonía.

La so obra puede alcontrase nos poemarios Cantares valdesanos (Llibros del Pexe, 1992), Entre apigarzos (Trabe, 1997) y El nome de las cousas (Trabe, 2001); nes antoloxíes Fueyas que reverdecen (Atenéu Obreru de Xixón, Colección Tiempu de cristal, 2005) y Obra poética en castellano (libro + CD) (coedición de la Fundación Fernández Lema y Trabe), asina como nel volume Obra completa n’asturianu (Trabe, 2011).

Programa:

Del 6 al 17 de mayu

Esposición dedicada a la figura de Nené Losada Rico

Retayos de la so obra.

Música: Palabres de Muyer. Joaquín Pixán canta a les poetes asturianes. Composiciones de Ramón Prada y Jorge Muñiz.

Rede Municipal de Biblioteques

Horariu d’atención al públicu

Esposición “Fontes, llavaderos y molinos de Llanera” pol Alumnáu del Colexu Públicu de Lugo.

Posada: Casa Municipal de Cultura – Sala d’Esposiciones

Mañanes de11:00a14:00y Tardes de17:00a20:00h.

Esposición vistimienta asturiana y bibliografía rellacionada

Lugo: Casa Municipal de Cultura – Sala de Llectura dela Biblioteca

Rede Municipal de Biblioteques

Mañanas de11:00a14:00y Tardes de17:00a20:00h.

Miércoles, 8 de mayu

Alcuentru d´escolinos de los Colexos de Posada y S. Cucao

Muestra Didáutica d’instrumentos tradicionales por Pedro Pangua –profesor de Música Tradicional de la Escuela Municipal de Música

Espaciu Escénicu PlazaLa Habana

11:00h.

Xueves, 16 de mayu

¡Llinguateros!

Proyeición de Curtios realizaos pol Alumnáu de Llingua Asturiana del I.E.S. de Llanera y coordinaos pol so profesor Xuan Santori:

* ¡Ye pa dalo a voces!

(29 de abril de 2013)