La 44 Selmana de les Lletres Asturianes va rindir homenaxe al poeta y críticu lliterariu Xosé Bolado

La 44 Selmana de les Lletres Asturianes, que va celebrase ente’l 28 d’abril y el 6 de mayu, va rindir homenaxe a la figura del poeta y críticu lliterariu Xosé Bolado, fallecíu en mayu del 2021. Xosé Bolado, académicu de la llingua asturiana y profesor, ye una figura central de la recuperación llingüística y lliteraria d’Asturies na Transición. La programación incluye la estrena del documental Na firida del cementu. Vida y obra de Xosé Bolado, dirixíu por Ana Lamela, y tamién la edición de dos llibros conmemorativos alredor de la contribución decisiva que la figura de Xosé Bolado supunxo pa la llingua y la lliteratura asturianes.

Asina, Xosé Bolado. Fálame duce recueye la semblanza que distintos amigos y personalidaes del mundu de la cultura tracen sobre l’autor uviedín, no personal y tamién na aportación que fizo como poeta, como militante sindical y políticu y na so dimensión de críticu y estudiosu de la llingua y de la lliteratura n’asturianu. La obra, coordinada por Marta Mori, edítala’l Gobiernu del Principáu d’Asturies con realización editorial de Trabe.

La segunda de les publicaciones que va ver la lluz coincidiendo cola celebración de la Selmana de les Lletres va ser Palabres blanques. Testos d’Historia y Crítica lliteraria (Esbilla), una compilación de los artículos publicaos por Bolado na so faceta de críticu lliterariu. Ye una edición preparada por Marta Mori y coeditada pol Principáu d’Asturies y Trea.

Amás, l’espectáculu poéticu musical Flores escontra’l desamparu va facer homenaxe a la obra de Xosé Bolado nel escenariu del Teatru de la Llaboral el llunes, 1 de mayu, a partir de les 19:00 hores, con entrada gratuita pa tol públicu interesao. Al otru día, nel Auditoriu As Quintas d’A Caridá, les autores n’eonaviegu tamién van recordar a Bolado nel recital poéticu Hailas cola participación de Conchita Álvarez Lebredo, María José Fraga, Marisa López-Diz y el dúu Mestura, que va encargase de poner la banda sonora al alcuentru.

Na nómina amplia de voces que van tomar parte nel tributu públicu a Xosé Bolado nun van faltar los y les poetes de les xeneraciones más moces de la lliteratura n’asturianu. El sábadu 6 de mayu van axuntase a partir del mediudía nel Muséu Nicanor Piñole de Xixón nel alcuentru Fueyes de color infinitu. El públicu va poder disfrutar de les reflexones y los poemes d’Aida Escudero, María Fernández Abril, Alejandro Fernández-Osorio, María García Díaz, Xaime Martínez y Pablo X. Suárez. El grupu Tierra y Eco va ser quien s’encargue de poner música en directo al alcuentru.

PROGRAMA

VIENRES 28 D’ABRIL

12.00 hores | Xixón – Salón d’actos del Centru de Cultura Antiguu Institutu (CCAI)

• Inauguración de la 44 Selmana de les Lletres Asturianes.

• Presentación de la obra conmemorativa Xosé Bolado. Fálame duce, coordinada por Marta Mori.

• Proyección del documental “Na firida del cementu. Vida y obra de Xosé Bolado”. Idea y dirección d’Ana Lamela.

SÁBADU 29 D’ABRIL

12.00 hores | Xixón – Muséu Nicanor Piñole

Presentación del llibru Palabres blanques. Testos d’Historia y Crítica lliteraria (Esbilla), de Xosé Bolado. Compilación de Marta Mori.

LLUNES 1 DE MAYU

19.00 hores | Xixón – Teatru de la Llaboral

Flores escontra’l desamparu. Espectáculu poético-musical dedicáu a la obra de Xosé Bolado. Intervienen: Carlos Alba, Cellero (actor), Laura Cuervo Álvarez (actriz), Susana Gudín (sopranu), Delia Gutiérrez Aranda (flauta) y Iván Fernández Prieto (tiorba). Dirección: Ana Lamela.

MARTES 2 DE MAYO 18.30 horas | A Caridá – Auditorio As Quintas

Recital poético Hailas. Homenaxe ás poetas del Navia-Eo, cua participación de Conchita Álvarez Lebredo, M.ª José Fraga y Marisa López-Diz, acompañadas pol dúo Mestura.

MIÉRCOLES 3 DE MAYU 10.00 y 12.00 hores | Xixón – Teatru de la Llaboral

Musical escolar Historia d’un bosque, de Nacho Fonseca. Cola participación de la Orquesta Sinfónica del Principáu d’Asturies (OSPA), el Grupu d’Animación Musical Escolar (GAME), la Escuela de danza Alazne Castaño y voces femenines de la Escuela de Música Divertimento y Siero Musical. Solistes: Marta Fernández, María Alonso y Ellie Garnham. Narradores: Maite Casado y Alberto González. Director: Rubén Díez.

XUEVES 4 DE MAYU 19.30 hores | Xixón – Teatru de la Llaboral

Conciertu de les Lletres Asturianes. Musical familiar Historia d’un bosque, de Nacho Fonseca. Cola participación de la Orquesta Sinfónica del Principáu d’Asturies (OSPA), el Grupu d’Animación Musical Escolar (GAME), la Escuela de danza Alazne Castaño y voces femenines de la Escuela de Música Divertimento y Siero Musical. Solistes: Marta Fernández, María Alonso y Ellie Garnham. Narradores: Maite Casado y Alberto González. Director: Rubén Díez.

VIENRES 5 DE MAYU DÍA DE LES LLETRES ASTURIANES

14.00 hores | www.educastur.es Publicación de ganadores de los certámenes escolares de la 44 Selmana de les Lletres Asturianes: • IX Certame de Teatru Escolar. • XI Certame de Creación Audiovisual. • XIX Certame de Cartelismu. • XXVII Certame de Creación artística/lliteraria.

SÁBADU 6 DE MAYU 17.30 hores | Xixón – Muséu Nicanor Piñole

Fueyes de color infinitu. Alcuentru de poetes actuales, cola participación d’Aida Escudero, María Fernández Abril, Alejandro Fernández-Osorio, María García Díaz, Xaime Martínez y Pablo X. Suárez. Actuación musical alredor de la obra de Xosé Bolado, al cargu del grupu Tierra y Eco (Ana Lamela y Carla Miranda).

Un 10 % de descuentu na compra de llibros o discos n’asturianu y regalu del llibru Xosé Bolado. Fálame duce nes tiendes participantes (hasta escosar los exemplares). Nes llibreríes marcaes con un asteriscu, cola compra de llibros o discos en gallego-asturianu o eonaviegu regálase’l cómic Gladius, del humorista gráficu Ernesto García del Castillo, Neto.

En collaboración coles llibreríes, editoriales y distribuyidores.

Llibreríes y tiendes participantes:

UVIÉU Aldaba Regalos / Llibrería Aldebarán / Llibrería Antares / *Llibrería Casa del Libro / *Llibrería Cervantes / Llibrería Chemi / Llibrería Diocesana / Llibrería Elías / Llibrería Esfera / Llibrería Garluc / Llibrería Hangar Rebelde / Llibrería Maribel / Llibrería Pasa Página / Llibrería Pintar-Pintar Editorial / Llibrería Polledo / Llibrería Puntos / Llibrería Reconquista / Llibrería San Pablo / Llibrería II Milenio / *Llibrería Trabe XIXÓN Llibrería Acuarel / Llibrería De Bolsillo / Llibrería El Bosque de la Maga Colibrí / Llibrería La Buena Letra / Llibrería Central / Llibrería Clarín / Llibrería La Habitación Propia / Llibrería Identidad Secreta / Llibrería Paradiso / Llibrería La Revoltosa / Llibrería Roy / Mundo Sonoro-Tienda de discos / Musicasturiana.com

AVILÉS Llibrería Casona / Llibrería Clarín / Llibrería Víctor Núñez / Tienda Elepé Productions.

MIERES Disco 55 / La Llocura. Llibrería-Café / Llibrería La Pilarica / Llibrería La Torre.

CANGAS DEL NARCEA: Llibrería Treito.

EL FRANCO: *Llibreiría Alfonso (A Caridá).

GRAU: Llibrería Las Dos Vías.

NAVA: Muséu de la Sidra.

NOREÑA: La Semeya.

PARRES: Llibrería Gestión (Les Arriondes).

PILOÑA: Llibrería Rima (L’Infiestu).

SAMARTÍN DEL REI AURELIO: Llibrería Sol (L’Entregu).

SIERO: Fnac / Llibrería La Chimenea (Llugones) / Llibrería Naredo (La Pola).

A VEIGA: *Libreiría Casa Pérez / *Libreiría Patefa / *Libreiría San Pedro.