La rabia

La rabia

Adolfo Camilo Díaz

Trabe

///

«Aquella mañanina nel Muséu del Reinu d’Asturies los trabayadores encarien el zarru del equipamientu… Tina, vixilante de seguridá, acabante salir d’un cáncanu y preñada, percuerre la infraestructura… Hasta que l’horror absolutu asalta’l muséu. La Rabia ye un glayíu dolor, una obra tensa, intensa, dura y crispada, escrita por ún de los meyores escritores asturianos… Un aquelarre de víctimes que bancien ente morrer y matar, onde una muyer, Tina, pasa ser un nuevu personaxe fundamental na narrativa asturiana d’anguaño», José Viale Moutinho.

Adolfo Camilo Díaz (Caborana, 1963) historiador, Académicu de la Llingua, conseyeru de RTPA y xerente de Cultura del Conceyu Corvera, ye ún de los nomes más importantes y reconocíos de la lliteratura asturiana, tanto n’asturianu como en castellanu. Narrador (cuatro veces Premiu «Xosefa Xovellanos» de Novela con obres como Añada pa un güeyu muertu, Diariu de viaxe, Advenimientu, Imago; dos veces Premiu «Montesín» de Lliteratura Xuvenil con Khaos y Memorial del monstruu; Premiu «María Josefa Canellada» de Lliteratura Infantil y Xuvenil por La mar… ), dramaturgu (Premiu «Alejandro Casona» de Teatro 2005 con Wulf; País, Psicokiller…), cantautor (Premio Nacional de Canción de Autor a los Mejores Textos del Ministerio de Cultura, 1987; aniciador del rock n’asturianu con Güextia); ensayista (Premiu d’Ensayu de l’Academia de la Llingua con El teatru popular asturianu; El cine fantaterrorífico español, En tables…); fundador de la revista lliteraria Al bellume; creador de colección de serie negra Xardón Negru y de la de teatru Mázcara de l’Academia de la Llingua; y articulista (La Voz de Avilés-El Comercio; Premiu de la Crítica de l’Asociación d’Escritores Asturianos).