Los nomes de la lluvia

Los nomes de la lluvia

Ana Rosa Fernández

Suburbia

60 páx.

///

Suburbia Ediciones na so apuesta pola lliteratura de calidá y por dar voz a autores poco conocíos, asoleya’l númberu 9 de la so colección de poesía males tierres, Los nomes de la lluvia, poemariu d’Ana Rosa Fernández. Anque la autora nun ye una autora novel, pues tien asoleyaos poemes en delles antoloxíes y algamó más d’un premiu lliterariu, sí ye una voz poco conocía nel panorama de la poesía asturiana. Los nomes de la lluvia ye una muestra más de la calidá y fondura de la poesía fecha n’asturianu y más concretamente de la poesía fecha por muyeres en llingua asturiana. Los nomes ye un poemariu maduru, íntimu, que fala del pasu’l tiempu, les ilusiones pedíes, les espectatives rotes… too ello ilustrao poles semeyes d’Ana Jambrina Huete.

Ana Rosa Fernández naz en Sotrondio en 1965. Nel añu 2002 gana el XV Premio de Poesía “Esperanza Spínola”, de Teguise (Lanzarote). Col poemariu: El peso de la luz, asoleyáu nel añu siguiente pola entidá convocante. En 2005 fue publicada una segunda edición en formatu discu llibru (Foro pola poesía del Valle del Nalón) con música de Xulio Arbesú.

Otros poemes tán recoyíos en la Antología de poesía española actual, Al Aire Nuevo (Edit. Desierto, México 2001). Y nel llibru colcutivu Las estaciones (Heracles y nosostros, Xixón, 1996). Así como en les revistes: Luces y Sombras y Ábaco.También recibió la Mención Especial de Poesía nel II Concurso Literario “Voces de Chamamé” d’Uviéu. Aparez en la Antoloxía d’autores de Samartín del Rei Aurelio “Patrimoniu intelectual”, asoleyá en 2008. Uno de los sos poemes foi camudáu en canción con música de Xulio Arbesú y forma parte del discu-llibru La mina que nun cerra, una antoloxía de poemes musicaos de poetes del Valle del Nalón.

(24 de febrero de 2012)