Nuevos talleres de llectura n’asturiano nes biblioteques de Nava y Villaviciosa

Acaba d’abrise el plazu d’inscripción pa participar nestos nuevos talleres de llectura n’asturiano, organizaos pol Serviciu de Normalización Llingüística de la Comarca de la Sidra en collaboración coles árees de Cultura de los conceyos de Nava y Villaviciosa.

Los talleres van incluír sesiones mensuales y alcuentros colos autores de les obres propuestes y tan empobinaos a crear grupos activos de llectores y fomentar el conocimientu de la última lliteratura fecha na nuestra llingua.

Apuntase a estos talleres ye de baldre y el plazu tará abiertu hasta’l día 17 d’abril. Les inscripciones puen facese nes biblioteques públiques de Nava y Villaviciosa y nel Serviciu de Normalización Llingüística de la Comarca de la Sidra, en Paraes (Nava), nel teléfonu 985718413. Estos nuevos talleres sumense a la experiencia similar que dende va unos años bien celebrándose na Biblioteca de Turón, cola collaboración del Serviciu de Normalización del conceyu de Mieres.

(9 de abril de 2012)