Onde la palabra pousa

Onde la palabra pousa. D’Asturias a Miranda: crestomatía del asturl.lionés occidental

María Cueto y Xulio Viejo

Suburbia

472 páxs.

///

Suburbia Ediciones acaba de publicar una selección útil y percompleta de testos n’asturllionés occidental, realizada y prologada polos investigadores María Cueto y Xulio Viejo.

Nel volume recuéyense testos de la tradición oral de les cuatro zones xeográfiques del asturllionés occidental –Asturies, Llión, Zamora y la Bregancia portuguesa– amás d’una amplia muestra de testos lliterarios, en tolos xéneros nos que se desenvuelve: poesía, narrativa, teatru, ensayu y traducción; y tamién xurídicos, dende la Edá Media hasta’l sieglu XX. Una obra de referencia pa llingüistes y estudiosos de la nuesa lliteratura, amás d’una interesante introducción a l’amplitú y la variedá del dominiu llingüísticu asturllionés.

Na escoyeta figuren fragmentos d’autores desde’l Padre Galo o António Maria Mourinho hasta los de anguaño, como Xuan Bello, Miguel Rojo, Ramón d’Andrés o Roberto González-Quevedo.