Pasaxeres de la nueche

Pasaxeres de la nueche

Francisco Álvarez

Hoja de Lata

256 páx.

///

¿De qué falen les muyeres de los cuadros de Picasso cuando tán soles? ¿Qué pensaba l’artista malagueñu mentantu pintaba una obra pa sofitar la Güelgona de los mineros asturianos del añu 63? ¿Qué pasa pela cabeza d’una sicaria brasileña qu’afuega n’alcohol les llagues del so alma d’asesina? ¿A quién s’encomendaba’l xeneral napoleónicu que comanda les tropes franceses enantes d’entamar la batalla de la Ponte de Peñaflor, nel conceyu de Candamu?

Pasaxeres de la nueche recueye la meyor narrativa curtia de Francisco Álvarez, ganador de los premios Xosefa Xovellanos y de la Crítica d’Asturies cola so primera novela, Lluvia d’agostu, quiciabes el debú más sorprendente na lliteratura asturiana de los últimos años.

Francisco Álvarez (Xixón, 1970) autor de les obres Patiu de prisión, En poques pallabres, Dixebra, cróniques d’un pueblu, Historia de cinco goles, Rumbo a la Historia, La tierra de la libertad y Un país llamáu Dixebra. Tornó al asturianu la novela de Leonardo Sciascia Una historia cenciella, y del italianu al castellanu les noveles Lobos frente al mar, de Carlo Mazza, Memoria del vacío, de Marcello Fois, Premiu al Meyor Llibru Italianu Espublizáu n’España esi añu, y Choque de civilizaciones por un ascensor en Piazza Vittorio, de Amara Lakhous.