Preséntense na Biblioteca d’Asturies los llibros ganadores de los Premios Lliterarios 2011 en llingua asturiana

Esti martes 16 d’ochobre, a les 19,30 h. tendrá llugar nel Salón d’actos de la Biblioteca d’Asturies “Ramón Pérez d’Ayala”, l’actu de presentación de los cinco llibros ganadores de los Premios Lliterarios 2011 en llingua asturiana.

Entamáu pola Conseyería d’Educación, Cultura y Deporte, contará cola presencia de los autores galardonaos, que mantendrán una mesa redonda -moderada pola escritora Vanessa Gutiérrez- presentando les sos distintes obres, que ya tan disponibles nes llibreríes y biblioteques asturianes.

Al actu asistirán la conseyera de Educación, Cultura y Deporte, Ana González;  el  viceconseyeru de Cultura y Deporte, Alejandro Calvo; y la directora xeneral de Política Llingüística, Ana María Fueyo, respaldando cola so presencia estos premios, los de mayor relevancia na lliteratura asturiana.

Tal y como informamos en su momento, los premiaos d’esta edición foron:

.- Premiu “María Josefa Canellada” de lliteratura infantil y xuvenil (IV edición) a la obra Camín de lletres: d’Asturies a Nueva York, de Paquita Suárez Coalla (Trabe, 2012).

.- Premiu “Alfonso Iglesias” de cómic (III edición) a la obra Doña Berta, de Isaac del Rivero.

.- Premiu “Xuan María Acebal” de poesía (XVII edición) al poemariu Un ciertu desorde, de Xosé Anxelu Gutiérrez Morán (Suburbia, 2012).

.- Premiu “Máximo Fuertes Acevedo” d’ensayu (XVII edición) al testu Cipriano Folgueras, una gloria d’Asturies, de Lluis Portal Hevia (Trabe, 2012).

.- Premiu “Xosefa Xovellanos” de novela (XXXII edición) a la obra El príncipe derviche, de Xandru Fernández (Suburbia, 2012).

(14 de octubre de 2012)