Si’l temblor niega’l fríu

Si’l temblor niega’l fríu

Xurde Álvarez

Trabe

136 páxs.

///

N’ochobre de 1939, Adolf Hitler robla la Gnadentod, na qu’autoriza a dellos médicos a dar muerte de gracia a persones con enfermedaes incurables. Esta carta permitió-y al réxime nazi esfacese nos campos de concentración y d’esterminiu de persones non productives.

Si’l temblor niega’l fríu narra la vida de dos muyeres nun psiquiátricu alemán de la dómina: l’ideal y el contraideal mécense y intercámbiense nesta obra densa, teatral, na que l’autor reflexa l’atmósfera irrespirable y opresiva d’una sociedá amedranada, cegarata y mezquina que convive cola crueldá y l´horror, “tantu horror qu’a cada párrafu va arrancándote dalgo per dientro hasta dexate ensin nada”.

Xurde Álvarez (Sama Llangréu, 1973) ye poeta, narrador y autor de testos teatrales. Tien editaos los poemarios La sema (1999), Tierra d’esperanza y La caída, entrambos los dos del 2008; la novela No fondero de l’alcordanza de Dios (2004) y la obra dramática Les llames del to llar antiguu (2005).